O verdadeiro medo chegará a MarCha o próximo venres 4 de novembro, nunha noite só apta para os aventureiros máis valentes de 1ºESO. Xa podes descargar a circular para apuntarte á nosa Noite do Terror dende aquí.
Despois da presentación nas aulas, por fin os rapaces de 1ºESO puideron vivir a súa primeira aventura con MarCha. Tratouse dunha convivencia no albergue marista de Perbes, os días 14 e 15 de outubro, na que non faltaron xogos, cancións, deporte, ximkanas nin tempos persoais e para compartir.
Os futuros marchosos gozaron así dun estupendo día no que mesmo houbo a posibilidade de achegarnos á praia a disputar unhas olimpíadas. Ogallá a súa viaxe canda MarCha sexa longa e vivan así con ela moitas aventuras máis nos vindeiros tempos!
Os pasados días 30 de setembro e 1 de outubro os MarChosos de 2ºESO comezaron a súa andaina na aventura MarCha 2011-2012. E nada mellor para iniciar esta viaxe, co lema de "Un barco, unha aventura", que unha convivencia pirata no albergue de Perbes.
Só se pode dicir unha cousa sobre esta actividade: Todos a bordo!! Zarpamos!!!
O pasado día 30 de setembro presentáronse os grupos MarCha en 1ºESO. Despois dunha explicación na aula sobre o que é MarCha e dun vídeo con fotos das actividades do ano pasado, os rapaces baixaron coñecer a Sala MarCha e puideron gozar dalgún xogo para irse familiarizando co noso estilo.
Agardamos que este pequeno contacto sexa o principio dunha gran experiencia que acompañe a moitos deles nos vindeiros anos!