Noite do Terror

Este venres os rapaces de 1ºESO puideron gozar dunha das actividades máis agardadas dende que entran en Maristas: a noite do terror de MarCha. Esta é a 2ª actividade de proba, e a partir de agora entregaráselles a inscrición para que aqueles que queren continuar en MarCha poidan apuntarse.
A tarde comezou coa merenda, despois da cal fomos ao salón de actos para ver unha película, que foi meténdonos o medo no corpo. Pero non foi até despois, xa de noite e co colexio completamente ás escuras, cando chegou o verdadeiro terror. Cun plano do cole os rapaces tiveron que moverse en grupo para ir superando multitude de retos que puxeron a proba o seu valor.
Agardamos que todos se atrevan a apuntarse a MarCha para actividades futuras!!

Misterio no Caribe

O venres 25 de outubro os rapaces de MarCha Amencer trasladáronse ao Caribe da época dos corsarios para resolver un intrigante misterio: a desaparición do coñecido pirata Jack Sparrow.
 Esta foi a primeira actividade de coñecemento para o grupo de 1ºESO, e supuxo tamén retomar o contacto con MarCha para os de 2ºESO. Estamos seguros de que despois desta virán moitas máis, xa que desfrutamos todos moitísimo!!

Gran xogo en MarCha

O pasado venres todo o colexio se converteu nun enorme taboleiro para que os marchosos de 3º ESO desfrutasen dunha tarde de xogo. Grazas ás multiples probas distribuídas por todo o recinto non deixamos de correr e rir toda a tarde! Agora xa toca apuntarse para seguir a gozar todo o ano de moitas actividades coma esta!

Presentacións de MarCha en 1ºESO

Hoxe á mañá presentouse MarCha en 1ºESO. Dúas animadoras pasaron por cada unha das clases do curso e explicaron que é MarCha e cal é a súa experiencia dende que se apuntaron por primeira vez hai anos. Despois baixaron ao Salón de Actos para ver unha proxección sobre as actividades do curso pasado e visitaron a Sala MarCha. Por último puideron vivir unha pequena mostra dalgúns dos xogos nos que poderán participar se se apuntan a MarCha.
Agora se iniciarán as actividades! A primeira delas unha convivencia en Miño o venres 25 e sábado 26. Agardamos que aquí dea comezo un longo camiño para moitos rapaces en MarCha!!

E velaquí o vídeo coas actividades do curso pasado!

Convivencia de Aventura en Santiago de Compostela

Para arrincar este curso 2013-2014 en MarCha puidemos gozar dunha estupenda convivencia da etapa de Aventura a pasada fin de semana. Un pequeno grupo de 3º e 4ºESO, acompañados de varios monitores, compartimos un día en Santiago de Compostela.

Viaxamos o venres en tren e aloxámonos no albergue do Colexio Maior Xelmírez, onde desfrutamos de numerosos xogos e, sobre todo, da compaña do resto de "marchosos". A mañá seguinte estivo pasada por auga, facendo honra á merecida fama da cidade compostelana, o cal non impediu que aproveitásemos o día ao máximo e continuásemos gozando da convivencia. Finalmente voltamos, de novo en tren, a tarde do sábado. 

A sensación de todo o grupo foi moi boa, e todos volvimos con ganas de aproveitar ao máximo o ano e facer unha morea de cousas xuntos!

Camiño de Santiago e outras do 2012-2013

Velaquí as imaxes pendentes do curso 2012-2013!

Camiño de Santiago




Outras

Entroido 2013

O pasado 8 de febreiro MarCha A Coruña celebrou o Entroido cunha festa circense no colexio. Despois de que moitos marcharan vestirse á casa e outros quedaran a ver unha película celebrouse a festa, na que non faltou de nada! Concursos de postres e traxes entroideiros, bailes, xogos, música...
Foi unha estupenda tarde no circo MarCha!!

Mes invernal en MarCha

O frío chegou tamén a MarCha A Coruña, onde puidemos gozar das nosas clásicas actividades invernais.
Os nosos rapaces de 2ºESO gozaron así o día 18 de xaneiro dunha tarde de patinaxe sobre xeo no Coliseum, na que entre caídas e risas puidemos tamén vivir un gran ambiente de camaradería e os máis expertos axudaron aos novatos a deslizar por primeira vez.

Por outra banda, todos os marchosos tiveron nos últimos días a oportunidade de pasar unha xornada de xogos na neve, coa nosa tradicional excursión a Leitariegos. Como vén sendo costume nos últimos anos tivemos que dividirnos en dous grupos, e mentres os rapaces de 2º e 3ºESO viaxaron o día 25 de xaneiro, o resto do colexio foi o día 1 de febreiro.
Este ano tivemos máis neve que nunca, algo que un pequeno grupiño aproveitou para practicar o esquí. O resto do grupo pasou un estupendo día escorregando por unha ladeira nevada, facendo bonecos, batallas de bólas e moitos xogos máis!
Tal e como vén sendo costume, todos quedamos con ganas de repetir!